South African Trade Publisher of the Year 2017

Search for your favourite author or book

Hoe verklaar jy dit?

ISBN 
9781776090495
Format 
Trade Paperback
Recommended Price 
R230.00
Published 
September 2016
About the book: 
“Ons leef in ’n wonderlike wêreld. Gelukkig is hy wat die oorsaak van dinge verstaan.” – Vergilius (Romeinse digter)
 
Ons weet dat die maan iets met die getye te doen het, maar het jy geweet dat jy met volmaan altyd dieselfde kant van die maan sien? Of dat weerligstrale vol vernietigende elektrisiteit is, maar dat ’n elektriese paling ’n lading van tot 600 volt kan vrystel?
 
Hierdie feite is deel van ’n magdom kennis oor die natuur, fisiese wetenskap en die ruimte wat die RSG-program Hoe verklaar jy dit?  reeds jare lank beantwoord. Hierdie publikasie bevat ’n keur uit die honderde vrae van nuuskierige luisteraars wat deur kundiges verduidelik is om die wêreld minder vreemd te maak, want nie alle kennis van die wêreld om ons is voor die hand liggend nie. Daar is honderde verskynsels in die natuur en ruimte wat vra om verklaar te word. Dan praat ons nie eens van die mensgemaakte uitvindings soos die internet, persoonlike rekenaars, globale posisioneringstelsels, selfone, radiogolwe, teorie van evolusie, relatiwiteitsteorie, narkose en mense in die ruimte nie.
 
Agter die alledaagse skuil die fassinerende werking van kragte en wette en die wetenskap in werking: Wat bepaal dat ’n mens se hart aan die linkerkant van die liggaam sit? Hoekom vries water in ’n dam van bo en nie van onder af nie? Kan gene deur omstandighede gemodifiseer word? Hoe verklaar jy dit?  is ’n boek wat jou belangstelling in die wêreld om jou sal prikkel. Dit is ’n boek wat op sy eie gelees kan word, wat op die koffietafel kan lê en wat saam kan gaan kamp om wonderlike gesprekke om die braaivleisvuur uit te lok.
Other titles by this author 

Others also viewed

I have a secret. And someone wants to make sure I never tell... In a house decorated with horror...
It starts on a summer evening, with the kind of magic found only in Paris. Once a year in the...
NEW EDITION OF THE POISONED CHALICE Was coach Heyneke Meyer the reason why the Springboks failed at...
Charlotte Goodman is living the dream. Surrounded by family, friends and a stunning vineyard...