Resepte: Mynie Speel met Vuur deur Mynie Steffens

This entry was posted on 13 September 2021.

Mynie Steffens nooi jou om pret te hê elke keer as jy braai, met
alles van spyskaarttemas en smaaklike (dikwels onkonvensionele)
resepte tot gepaste musiekspeellyste en prettige feite! 
Hetsy jy dus
’n braaigroentjie is of jouself as ’n braaikenner beskou, sluit gerus
aan by die partytjie en leer nuwe truuks op Mynie se manier.

 

 

 

 

 


 

Garnale

in Brandewynmarinade

 

12 gevlekte mediumgroot garnale

heel rooi brandrissies en/of vars kruie vir garnering

 

MARINADE

¼ koppie Olof Bergh-brandewyn

1 e gekapte vars rooi brandrissie, sonder die saadjies

1 knoffffelhuisie, gekap

1 e heuning

2 e olyfolie

3 e sojasous

sap van ½ suurlemoen

 

1. Meng al die marinadebestanddele, giet dit oor die garnale en marineer vir minstens 30 minute.

 

2. Braai die garnale, met die doppe na onder, oor warm kole vir 2 minute. Giet die oorblywende marinade oor die oopgesnyde rugkante van die garnale. Draai die garnale om en braai die vleeskante vir 1 minuut.

 

3. Garneer met die heel brandrissies en/of vars kruie voor jy dit bedien.

 

HET JY GEWEET?

Anders as ander seediere, pla dit garnale nie om mekaar te eet nie. Hulle doen dit gewoonlik as hulle nie ander kos kan kry nie.

 


 

Soetrissies

met Kekerertjievulsel

 

3 e olyfolie vir braai

1 t fyn masala

1 t gerasperde vars gemmer

1 knoffffelhuisie, gekap

½ ui, gekap

12 kersietamaties

1 t kerriepoeier

5 t groenteaftreksel

2 t mielieblom (Maizena), in 2 e water opgelos

1 x 400 g-blik kekerertjies, gedreineer

6 klein geel of rooi soetrissies

 

1. Verhit die olyfolie in ’n pan en braai die masala, gemmer en knoffffel vir 1 minuut. Voeg die ui by en braai vir nog ’n minuut. Voeg die tamaties by en braai vir 2 minute. Roer die kerriepoeier by en braai vir 1 minuut. Voeg die aftreksel by en laat kook vir 8 minute. Voeg laastens die opgeloste mielieblom en die kekerertjies by en laat kook vir 5 minute.

 

2. Sny die bokante van die soetrissies af en hou eenkant om as “deksels” te gebruik. Skraap die saadjies uit. Vul die soetrissies met die kekerertjievulsel, sit die “deksels” terug en hou dit met foelie in plek.

 

3. Braai oor medium kole vir 25–30 minute.

 

HET JY GEWEET?

Omdat soetrissies saad het en van blomplante kom, is hulle eintlik vrugte en nie groente nie.

 

Onttrek uit Mynie Speel met Vuur, nou beskikbaar.

___________________________________________________________________________________________________________________________

 
 
 
 
____________________________________________________________________________________________________________________________
 

U KAN OOK GENIET

Recipes: Simply Seasonal by Ilse van der Merwe

Facebook  Twitter