Karin Brynard kom na Penguin
Met die voltrekking van ‘n betekenisvolle boeketransaksie word vandag bekend gemaak dat Penguin Books (Suid-Afrika) in ’n veiling die publikasieregte in vier romans deur die opkomende ster-skrywer Karin Brynard bekom het.
Die bekroonde Stellenbosse skrywer en joernalis het twee romans op haar kerfstok, Plaasmoord (Human & Rousseau, 2009) en Onse vaders (Human & Rousseau, 2012), wat albei vanuit die staanspoor kritiese en kommersiële suksesverhale was.